2014年1月23日星期四

悠閒嘉道理2014

23-1-2014

Mr Fong 因工作時間的關係好少陪到我郊遊,
今天話要去嘉道理行下,當然奉陪。
去到差不多兩點,買了3 點穿梭巴士的車票($10),
還有時間附近行下....
 原來近洗手間位置有幾棵手松杉
 先到生態徑行下
 幸福小豬,專人侍候...
 農場更因豬的特徵為牠們改了名字
 野豬的房舍
 圖文介紹,認識多了....

 被美洲紅鶴吸引了...
 時間差不多,要去坐穿梭巴士...
因閒日又不是花期,巴士只有4 個乘客,
巴士繞行農場一週,會停留5 個站,
1.蕨類植物小徑 2.蘭花谷 3.嘉道理兄弟紀念亭  4.觀音山  5 .蝴蝶園
每站停留10分鐘,越時不侯。全程約個半鐘。
第一站"蕨類植物小徑"
 行入植物徑有如置身原始森林,好大棵蕨類﹗﹗﹗
 蕨的種類繁多,真大開眼介....




 每站10分鐘真有點壓力,唯有日後再慢慢欣賞﹗
第二站"蘭花谷"
 因不合時期,戶外種植的都沒有花。

 溫室內的蘭花




 蘭花以外還有...
拿拿林上番車
第三站"嘉道理兄弟紀念亭"
 紀念園外有幾株初開的鐘花櫻桃
 過多幾日有冇時間再來.....
 第4 站"觀音山


發現在八仙嶺見到的山蒼樹,
在這有好多株而且好茂盛。
密密麻麻的小花




 第五站"蝴蝶園"
因季節性冇蝴蝶,就在花園走走。
順道穿過修女花園。
 突然見到這種星形花,好得意﹗
這裡是尾站,在下山區落車。
乘坐穿梭巴士對第一次遊嘉道理的Mr Fong 最適合,
在最短的時間又唔辛苦參觀農場。

 往出口方向行下山,發現小徑上的鐵樹好大棵﹗

好特別的鳥居
 沿途水松杉落葉
 到出口差不多5 點,
今天真是偷得浮生半日閒,
因為將會忙於辦年貨準備過春節。





2014年1月19日星期日

再闖八仙嶺2014

19-1-2014
臨近年尾,山友們向有各忙,好難得隊長召集行山,
雖然自己前一兩天開始作感冒,但都應承左先,
好多時行山前一晚才知地點,吓﹗ 八仙嶺﹗ 
點算作緊病仲要行八仙嶺﹗﹗﹗
唯有試下飲感冒沖劑然後早D瞓....
集合食早餐原來今天4人行,朋友同我一樣作病,
但我地都覺得行下山呼吸下新鮮空氣會病菌遠離,
隊長問改地方嗎﹖ 改去大金鐘﹖﹗ 八仙嶺就八仙嶺﹗
第三次登八仙嶺,但對上果次係廿多年前﹗
印象中只記得頭尾兩段最辛苦,
不過今次領隊帶我地行是穿林而上,
是當日師生出事那條路,最難是尾段要攀登一大石,
最初以為是捷徑可以行少D路,心口勇字就上﹗
但山路有如叢林歷險般,一路抓住樹枝踩樹根一路上﹗﹗﹗
都不知為何變得咁勇,努力攀登攀越....終於見到舊大石,
呆了...我點攀上﹗﹗﹗ 領隊話你一定得﹗ 勇敢的朋友先攀上去,
點知朋友話呢邊好難爬呀﹗爬另一面,領隊先爬上試試,
冇問題再落黎傍住我同另一朋友,朋友已唔上唔落在一個位,
我企的位置要攀上去才可空給朋友落腳,再不許猶疑了﹗
因那時已攀了個幾鐘好攰,唯有除下背囊請領隊幫我揹,
放下背囊人輕了,抓緊石頭就攀了上去﹗﹗﹗ 好厲害﹗我竟然做到﹗
終於到第一峰"仙姑峯" ,有種久別重逢的感覺﹗
只要踏上仙姑峯其他山峯就容易得多了,
可以放輕腳步慢慢欣賞風景。
第二峯"湘子峯"
第三峯"采和峯"
 第四峯"曹舅峯"
 樹木亦長出新芽,紅色的新芽好突出﹗


 還有芒草
 又過一峯了第五峯"果老峯"
 第六峯"鍾離峯"
 第七峯"拐李峯"

終於來到第八峯"純陽峯"真係好攰要大休﹗
其實在山上也很熱鬧,大家都是行山友好,
雖然各不相識,但互相問好,
比較下從何而來又往那裡走.真係好攰要大休﹗﹗﹗
 很喜歡這張相,那美麗的山麓是"黃嶺"

休息過後就要往那裡去了﹗
 黃嶺滿佈金黃芒草,襯著藍天真的真的好美﹗

坐在這享受著溫暖的陽光,渺無人煙,
就如身處外國,幻想著如飄零燕海滴和彼得在趕羊群....
還是要起程了...因為....
還有3 個多小時才到鶴藪
沿途被這花吸引了,好有春天的感覺...
原來是"山蒼樹"
目標在望了...不過冇再影了,因為真係好攰﹗

全程行左七個鐘,比廿多年前還要快,
記得果次行一D準備都冇,冇水冇糧天光行到天黑,
所以今次糧水都有準備不過都唔夠水要領隊救助,
其實可能有人問咁辛苦為乜﹖﹗只為風光嗎﹖
我想告訴自己攀登吧﹗為了不一樣的風景...
路,不僅是距離...更是一種經歷.....